ლუდის ხარშვის დაწყებისას პირველი კითხვა ასეთია: რა მჭირდება ლუდის მოსახარშად? პასუხი იმაზეა დამოკიდებული, რომელ გზას აირჩევთ — ალაოს ექსტრაქტით ხარშვას თუ მარცვლეულით (all-grain) ხარშვას. ქვემოთ ორივესთვის სრული სიაა.
ალაო თუ ალაოს ექსტრაქტი — რა განსხვავებაა
- ალაოს ექსტრაქტი უკვე მომზადებული, კონცენტრირებული ტკბილია. ხსნით წყალში, ამატებთ საფუარს და დუღილი იწყება. მარტივია, სწრაფია და ძვირ აღჭურვილობას არ მოითხოვს — დამწყებთათვის იდეალურია.
- მარცვლეულით ხარშვისას ტკბილს თავად ამზადებთ დაფქული ალაოდან: ალაო ცხელ წყალში ჩაყავთ (დამბალება), ფილტრავთ და სვიასთან ერთად ხარშავთ. მეტ დროსა და აღჭურვილობას მოითხოვს, სამაგიეროდ რეცეპტს სრულად თქვენ აკონტროლებთ.
სია 1: ალაოს ექსტრაქტით ხარშვა
ინგრედიენტები
- ალაოს ექსტრაქტი — მაგალითად Mangrove Jack's Irish Red Ale, Irish Stout ან Golden Lager
- ლუდის საფუარი, თუ ექსტრაქტს არ მოყვება
- დექსტროზა — ბოთლში კარბონიზაციისთვის
ინვენტარი
- სადუღარი ჭურჭელი თავსახურით (საკვებისთვის განკუთვნილი) და მასზე მბრუნავი ონკანი
- ჰაერსაკეტი
- არეომეტრი
- თხევად-კრისტალური თერმომეტრი
- ასარევი კოვზი
- სადეზინფექციო ხსნარი და ბოთლები თავსახურებით
ნაბიჯ-ნაბიჯ ინსტრუქცია ჩვენს სტატიაშია „ლუდის მოხარშვა სახლში დამწყებთათვის“.
სია 2: მარცვლეულით ხარშვა
ყველაფერი პირველი სიიდან (ექსტრაქტის გარდა), პლუს:
ინგრედიენტები
- საბაზისო ალაო — მაგალითად Pale Ale ან Pilsner — და სპეციალური ალაო ფერისა და გემოსთვის
- სვია — სიმწარისა და არომატისთვის
- პროტაფლოკი — გამჭვირვალე ლუდისთვის
აღჭურვილობა
- სახარში სისტემა — დიდი ქვაბი და ფილტრი, ან ავტომატური Wellbom WB-60L
- მარცვლეულის საფქვავი, თუ ალაოს თავად ფქვავთ
- ტკბილის გამაციებელი (ჩილერი)
- ელექტრო თერმომეტრი ზონდით — დამბალების ტემპერატურის ზუსტად გასაზომად
ქვაბს თუ ავტომატურ სისტემას შორის არჩევაში დაგეხმარებათ სტატია „ავტომატური ლუდსახარში თუ ხელით აწყობილი სისტემა“, ალაოსა და სვიის შერჩევაში კი — „როგორ შევარჩიოთ ალაო და სვია ლუდისთვის“.
ჯერ გასინჯვა გსურთ?
თუ ჯერ გადაწყვეტილი არ გაქვთ, რა სტილი გიყვართ, დაიწყეთ კარგი ლუდის დაგემოვნებით — ლუდის კატეგორიაში მთის ნისლის კრაფტ ლუდია.
ყველაფერი ერთ შეკვეთაში
ორივე სიის ნივთები ერთ შეკვეთაში შეგიძლიათ გააერთიანოთ: ინგრედიენტები, ინვენტარი და ლუდსახარშები. თბილისში, შემოგარენსა და რუსთავში თავად მოგიტანთ, იმავე ან მომდევნო სამუშაო დღეს; რეგიონებისთვის — თბილისში შეთანხმებულ ადგილამდე, მაგალითად ავტო- ან რკინიგზის სადგურამდე (მიწოდების პირობები).
ხშირად დასმული კითხვები
რომელი გზით დავიწყო?
თუ პირველად ხარშავთ, ალაოს ექსტრაქტით. ერთი-ორი წარმატებული პარტიის შემდეგ მარცვლეულზე გადასვლა ბევრად ადვილია.
შემიძლია ინგრედიენტები და ინვენტარი ერთად შევუკვეთო?
დიახ. ალაო, სვია, საფუარი და ინვენტარი ერთ შეკვეთაში ერთიანდება.
არ ვიცი, რომელი საფუარი ან ალაო მჭირდება. რა ვქნა?
დაგვირეკეთ +995 551 68 88 86 — თქვენი სტილისა და გამოცდილების მიხედვით შეგირჩევთ.